Liebi Anita, mir sind dankbar, hemmer euses Hochzigsfäscht a üsem geplante Datum chönä fiire. Euse Wunsch nachere persönliche und uf eus abgstimmte Trauig hesch du meh als erfüllt. Sie isch unglaublich iifühlsam und berüerend worde. Mit dinere Wortwahl hesch du authentisch verzellt und trotzdem isch dis Talent, in positiver Sprach alles liebevoll überezbringe zum Zug cho.

Mr möchtet eus nomal vo ganzem Herze bi dir bedankä für dini Hiigab und dis grosse Engagement und dini wundervoll Arbet. Mir sind eso glücklich, sonen schöne Tag und sone schöni Trauig dörfe erlebt z ha. Es isch für eus perfekt gsii und wird unvergesslich bliibä.

Mir wünsched dir wiiterhin vill Freud a dim Sii und Tue und dass du dini Begeischterig niä verlüürsch. Du gisch sonen wertvolle Biitrag an ganz vieli Mensche wiiter.

Nadine und Dominik, Hochzeit vom 6. Juni 2020

Liebi Anita, uf dem Weg möchtet mier eus numal ganz herzlich bi dir bedanke! Mit dinere wunderschöne, uf eus zuegschnittene Trauig hesch du so viel dezue biitreit, dass de grossi Tag für eus trotz em Wetter perfekt gsi isch. Es isch eifach wundervoll gsi und het rundumä für eus passt. Au es herzlichs Danke fürs Räupli Nimmersatt, wo eusem Sohn und eus vill Froid wird bereitä.

Nadine und Dominik, Hochzeit vom 29. August 2020

„Wir möchten dir herzlich danken. Das ganze Abschiedsritual, das du mit uns durchgeführt hast, war so kraftvoll und hat uns wirklich im Innersten berührt und war wohltuend. Einige Trauergäste waren in einem sehr schlechten Zustand bei der Besammlung und danach, als wir noch zusammengesessen sind, waren wir alle so gelöst und vereint. Du hast ja gesehen, dass die Leute sich am Schluss fast nicht vom unserem ausgesuchten Plätzli lösen konnten, es war so unglaublich schön und stimmig und voller Liebe. Es wurde mir auch bewusst, dass das Wohltuende darin lag, dass wir aktiv etwas tun konnten und auch wie wichtig die Natur um uns herum war. Und obwohl wir ja einigermaßen exponiert waren, kam es mir so vor, als wären wir unter deiner behüteten Glocke, geschützt und ganz für uns. Danke für alles, was du für uns getan hast und auch für deine sagenhaft schönen Fotos.“

Denise über den Abschied ihrer Patentante im März 2020

Liebi Anita, mir danked dir vo ganzem Herze, dass Du üs ufem Wäg zu üsere Hochzig und natürlich au am Hochzig sälber begleitet hesch! Dini Trauig isch eifach fantastisch gsi und mir hettet üs nid i de kühnschte Träum chöne usmale, dass es eso schön wird!
Du hesch üs mit Dinere humorvolle, liebe, empathische und ihfühlsame Art und mit Dinere Trauig ganz en bsundere Moment gschenkt, wo mir dir niä werdet vergesse. Üse Tag isch eifach traumhaft gsi und Du hesch esoooo viel dezue biitreit! Danke für ALLES!

Evelyn und Pascal, Hochzeit vom September 2019